Si ses leghende su chi appo iscrittu

Si ses leghende su chi appo iscrittu cheret narres chi
as puntu chin su sorighe issupra de su buttone chi
juchiada iscrittu "Deo so Sardu".

Ponemi in mente, ache tue puru che a mimme. Iscrie carchi
pagina in sardu. No importada kale sardu, su meu, su tuo o
su de chie si siada. Baste chi siada.

Si non tin'de sese abbizzau ( deo dio narres abbiggiau), no
che suno ponende una minca'e_molente in culu.

Non ridas, in ischola non si chistionada prusu.
In domo chistionada ebbia chie este prus mannu.
Sos minores non allegana prusu in sardu.
Binas tra pare chistionana in'Talianu.
Tocca de cumminzare dae karki ala.
Non cheglio andare a ponnes bombas,
ne cheglio gherrare, pro kussu jai sun bonos sos
albanesos.

Deo cumprendo s'Intalianu, lego su Franzesu e
s'Inglesu, e pescio chi tue puru lu podes.
Ma in intro de sa conca che tengio su sardu, sas
chistiones de sos mannos, sos montes, su casu e
su pane e sas boghes de su ventu in iverru.

Pro cussu e pro atteros mutivos ( ma non pro dinare )
appo ischertau de iscries custas rigas.
Este su cumminciu: su sardu chi chistiono non este su
de ibbabbu et no este su de mannoi, ma no lu
podimmos irmentigare, cha sinono non semmus nudda.


Este giustu chi cada limba deppete cresches,
Ca si nono si che moridi. E nois 'in chin'issa


Ischida, aperi sos lantiones e cumminza a iscriere
e chistionare in sardu.
Si lu aches tue lu ana a facher atteros
E nois 'in chin'issos
Su sardu no este solu iscries, este pessare e connosches
e rides de sos macchighines de sos Continentales
ammentati ca non ses americanu.

Nisciunu este mancu de sos atteros,
mancu nois :-)

Su binu nieddu si ch'este cheientande e dunkas como
ti che deppo saludare compare o comare chi sias
adiosu e salude.
Non ti chi'irmentichede de m'iscries
in [email protected]

Non ghettes su pede a su cane drommiu

Back to Metals Hall